heilsulausnir

Skyndihjálp á vinnustaðnum

Wed, 28 Jan 2026 12:45:34 GMT

Þegar sekúndur skipta máli - skyndihjálp á vinnustaðnum

Augnablik sem enginn gleymir.

Þegar eitthvað alvarlegt gerist og flest okkar frjósa um stund.

Sumir hafa upplifað það á eigin skinni, og þau augnablik lifa með manni.

Þetta er ástæðan fyrir því að skyndihjálp á vinnustaðnum er svo mikilvæg.
Ekki sem lúxus eða “gott að hafa”, heldur sem raunveruleg trygging fyrir öryggi og mannlegri ábyrgð.

Endurmenntun og kennsla í skyndihjálp er lítil fjárfesting í tíma og orku, en hún gefur starfsfólki þá vissu að það geti brugðist við þegar raunverulega á reynir.

Og það er ekki bara öryggismál – það er líka traustsmál.

Starfsfólk man hvort fyrirtækið tók sér tíma til að undirbúa þau.

Fyrirtæki sem sýna þessa ábyrgð skapa ekki bara öruggari vinnustað þau byggja upp ímynd sem vinnustaður sem hugsar um fólkið sitt.

Þetta er á endanum spurning um menningu:
Hvort starfsfólk upplifir að það sé ekki bara hluti af teymi, heldur að það sé eitthvað sem grípur það ef eitthvað óvænt gerist.

Heilsulausnir býður upp á skyndihjálparkennslu sem er veitt af reyndum paramedic með viðurkennd kennararéttindi frá Rauða Krossi Íslands.

Við aðstoðum fyrirtæki og stofnanir við að efla öryggi á vinnustað með fræðslu, námskeiðum og endurmenntun í skyndihjálp.

Boðið er upp á bæði styttri og lengri námskeið, allt eftir þörfum vinnustaðarins.

Að lokinni kennslu fá þátttakendur skírteini frá Rauða Krossi Íslands.

Vímefnafræðslan Veldu

Tue, 23 Sep 2025 23:32:45 GMT

Fræðslan veldu hefur hlotið jákvæð viðbrögð

Hjúkrunarfræðingar Heilsulausna hafa á síðustu fimm árum farið með yfir

500 vímuefnafræðslur víðs vegar um landið.

Fræðslan VELDU hefur hlotið afar jákvæð viðbrögð og er vel metin innan

skólasamfélagsins.

Veldu fjallar meðal annars um eftirfarandi þætti:

Hvað eru vímuefni og afhverju prófa sumir?
Fíkn sem sjúkdóm
Áhrif vímuefna á líf, andlega og líkamlega heilsu
Sérstök áhersla á nokkur algeng efni:
Áfengi
Kannabis
Nikótín
Orkudrykki
Af hverju eru ungmenni í meiri áhættu?
Hvar hægt er að leita sér aðstoðar ef einstaklingur vill hætta?
Sjálfsmynd og leiðir til að styrkja hana
Verndandi þættir gegn áhættuhegðun
Mikilvægi þess að taka upplýsta ákvörðun hvað þetta varðar.

Markmið

Að upplýsa ungmenni um skaðsemi og ávanabindingu vímuefna.
Að styrkja sjálfsmynd og sjálfstraust
Að veita þeim verkfæri til að taka meðvitaðar og upplýstar ákvarðanir og efla gagnrýna hugsun.

Upplifun skóla

Lindaskóli
Hvernig hefur VELDU verið notuð / hvaða verkefni?
Fræðslan var boðin foreldrum og forráðamönnum til að kynna það sem börn áttu von á að heyra í VELDU. Markmið var að styrkja samtal heimilis‐skóla um vímuefni.

Endurgjöf frá kennurum / skólum

Létt aðgengi og góður undirbúningur. Fræðslan var rafræn svo foreldrar gátu horft þegar þeim hentaði.

Hafnarfjarðarbær
Hvernig hefur VELDU verið notuð / hvaða verkefni?
Nemendur í 9. og 10. bekk fengu VELDU auk þess sem foreldrar voru boðaðir á fjarfræðslu um efnið.

Endurgjöf frá kennurum / skólum

Skólar hafa sagt að fræðslan nái vel til unglinganna og að nemendur hafi sýnt áhuga og spurt spurninga.

Víðistaðaskóli
Hvernig hefur VELDU verið notuð / hvaða verkefni?
Kennarar í Víðistaðaskóla hafa látið vita að fræðslan “nær vel til nemenda” – nemendur hafi verið “með á nótunum” allan tímann.

Endurgjöf frá kennurum / skólum

Fræðslan var talin mjög þörf, glærurnar góðar.

Kópavogsskóli
Hvernig hefur VELDU verið notuð / hvaða verkefni?
Nemendur voru virkir í umræðum og fræðslan tókst vel.

Endurgjöf frá kennurum / skólum

Kennari segir hana „mjög fróðlega og góða, náði vel til nemenda“ og án þess að fara í hræðsluáróður.

Nikótínráðgjöf Heilsulauna

Tue, 23 Sep 2025 23:24:47 GMT

Heilsulausnir býður upp á nikótínráðgjöf fyrir einstaklinga.

Heilsulausnir býður upp á nikótínráðgjöf fyrir einstaklinga. Ráðgjöfinni sinna

reyndir hjúkrunarfræðingar á sviði nikótín- og tóbaksráðgjafar.

Úr Æskulýðsrannsókn Íslendinga (2023-2024)

Hlutfall þeirra sem sögðust hafa reykt sl. 30 daga

18 ára og eldri 13%

18 ára og yngri 7%

Hlutfall þeirra sem sögðust hafa notað nikótínpúða sl. 30 daga

18 ára og eldri 33%

18 ára og yngri 16%

Hlutfall þeirra sem sögðust hafa notað rafrettur sl 30 daga

18 ára og eldri 33%

18 ára og yngri 23%

Ávinningur af því að hætta nikótín og/eða tóbak

Heilsufarslegur ávinningur: Líkamleg og andleg líðan verður betri.
Fjárhagslegur ávinningur: Mikill sparnaður til lengri tíma.
Frelsi: Þú ert ekki lengur háð/ur nikótíni og hefur fullt vald yfir eigin lífi.

Góð ráð til að hætta nikótíni

Það er mikilvægt að skipuleggja ferlið vel. Aðferðirnar geta verið mismunandi eftir einstaklingum en allir geta hætt með skipulagningu, þrautseigju og viljastyrk.

Undirbúningur

Skrifaðu niður ástæður þínar fyrir að hætta.
Veldu þér H-dag – daginn sem þú ætlar að hætta. Ef þú ert ekki tilbúin/n þann dag, hættu við fyrsta hentuga tækifæri.
Byrjaðu strax að skapa nikótínlaus svæði þar sem þú dvelur mest.
Átta þig á umfangi notkunarinnar, t.d. magn nikótíns sem þú notar daglega.

Aðferðir

Fyrir flesta er árangursríkast að trappa sig niður:
Lækka styrkleika (t.d. í nikótínpúðum).
Fækka skömmtum eða stykkjum á dag.
Minnka notkun smám saman, t.d. um 1–2 á viku.
Veldu ákveðinn tíma dags sem verður nikótínlaus og lengdu hann smám saman.

Bjargráð þegar löngunin kemur

Stunda áhugamál og/eða hreyfingu.
Nota sterkt mentóltyggjó eða brjóstsykur.
Prófa nikótínlausa púða eða önnur hjálpartæki.
Sumir setja jafnvel mentóltyggjó undir vör í stað púða.

Breyttar venjur

Finndu hvað kveikir löngunina (t.d. kaffi, áfengi, ákveðin félagsskapur).
Sumir tengja t.d reykingar við að vera í símanum eða t.d fara út á svalir. Settu þér markmið um að aftengja venjur sem þú tengir við að nota nikótín
Skiptu út nikótíni fyrir eitthvað annað:
Borðaðu ávexti eða grænmeti.
Drekktu vatn eða te.

Höndlaðu löngunina

Löngun varir oft aðeins 5–10 mínútur – bíddu hana af þér.
Fáðu þér göngutúr, gerðu öndunaræfingu eða hringdu í einhvern.
Hugsaðu um ástæðuna fyrir því að þú vilt hætta (t.d. heilsu, peninga, fjölskyldu).

Hugsaðu jákvætt

Það er eðlilegt að lenda í „bakslagi“ – ekki gefast upp, heldur reyndu aftur.
Hver dagur án nikótíns er sigur.
Hrósaðu sjálfum/sjálfri þér fyrir hvert skref.

Mundu:

Eftir nokkra daga batnar bragð- og lyktarskyn.
Eftir nokkrar vikur batnar lungnastarfsemi ( Reykingar/veip)
Áhættan á hjarta- og lungnasjúkdómum minnkar mikið með tímanum.

Lyfjameðferð

Sumir þurfa lyf eða nikótínstoðlyf til að hætta að reykja. Slíka meðferð er

hægt að fá í samráði við heimilislækni.

Helstu nikótíngjafar

Þetta eru vörur sem hjálpa fólki að hætta að reykja með því að gefa líkamann nikótín í minni skömmtum, án tjöru og annarra eiturefna úr tóbaki:

Nikótínplástrar – límdur á húð, gefur jafnan skammt af nikótíni yfir daginn.
Nikótíntöflur – leystast upp í munni, gefa nikótín hægt.
Nikótíntöflur til sogs (lozenges) – smáar töflur sem sjúgást í munninum.
Nikótíntyggjó – gefur nikótín þegar tyggt er.
Nikótíninnúð í úðaformi (spray) – úðað í munn eða nef, hröð verkun.
Nikótíninnöndun (inhaler/inhalator) – lítil rör eða tæki sem líkja eftir reykingu, nikótínið frásogast í munni og hálsi.

Hægt er að panta nikótínráðgjöf á heilsulausnir@heilsulausnir.is

Fleiri sinna sambærilegri ráðgjöf og er hægt að fá ráðgjöf hjá Heilsugæslunni í gegnum síma 1700 og einnig í gegnum netspjall Heilsuveru.

Húðin gleymir engu

Tue, 23 Sep 2025 23:11:05 GMT

Hættan er ljós

Ljósabekkir gefa frá sér útfjólubláa (UV) geisla, líkt og sólin – en oft í miklu hærri styrk.

Húðkrabbamein

Ljósabekkir gefa frá sér útfjólubláa geisla (UV-A og UV-B) .
Geislarnir skemma DNA í húðfrumum → aukin hætta á stökkbreytingum sem geta orðið að krabbameini.
Sortuæxli (melanoma) er hættulegasta tegund húðkrabbameins og er sérstaklega tengd ljósabekkjanotkun.
Einnig aukin hætta á grunnfrumukrabbameini og flöguþekjukrabbameini.

Öldrun húðar

UV-geislar brjóta niður kollagen og elastín í húðinni.
Þetta veldur:
Hrukkum
Þurrki
Aldursblettum
Slappari húð sem lítur eldri út en hún er.

Sólbruni og bólgur

Húðin getur orðið rauð, aum og bólgin – jafnvel eftir stuttan tíma.
Endurtekinn sólbruni eykur krabbameinshættu enn meira.

Augnskaði

Ef ekki er notuð sérhæfð gleraugu geta UV-geislar:
Skaðað hornhimnu og sjónhimnu
Aukið líkur á drer (ský á auga) og jafnvel blinda.

Ónæmiskerfi

Of mikil UV-geislun getur veiklað ónæmiskerfið, sem gerir líkamann viðkvæmari fyrir sýkingum og sjúkdómum.

Sérstaklega viðkvæmir hópar

Ungmenni og börn → húðin er viðkvæmari, hættan meiri.
Ljós húð (freknur, ljóst hár, blá augu) → húðin ver sig síður.
Fjölskyldusaga um húðkrabbamein → áhættan margfaldast.

Heilsulausnir bjóða upp á fræðslu um skaðsemi ljósabekkja fyrir grunn- og menntaskóla. Þú finnur frekari upplýsingar hér á síðunni.

Nikótín og mikilvægi fræðslu

Tue, 23 Sep 2025 23:04:54 GMT

hvað er nikótín og hætta þess

Hvað er nikótín?

Nikótín er örvandi efni sem er mjög ávanabindandi.
Það finnst í vörum eins og:
Veipi (rafrettum)
Nikótínpúðum
Sígarettum og munntóbaki

Afhverju er þetta sérstaklega hættulegt fyrir ungmenni?

Heilinn er að þroskast til 25-30 ára – heilinn er sérstaklega viðkvæmur.
Nikótín getur meðal annars haft áhrif á:
Hjarta og æðakerfi
Svefn
Einbeitingu og minni
Skap og kvíða
Það getur einnig leitt til fíknar og annarrar vímuefnanotkunar.

Mikilvægi nikótínfræðslu

Fræðsla dregur úr líkum á notkun.
Hjálpar ungmennum að taka upplýstar ákvarðanir.
Byggir sjálfsmynd og gagnrýna hugsun – vernd gegn hópþrýstingi.

Heilsulausnir býður upp á nikótínfræðslu

Fyrir fyrir 7.–10. bekk og framhaldsskóla.
Fræðslan er:
Ein kennslustund (ca. 60 mín.)
Virk og gagnvirk (ungmenni taka þátt)
Byggð á nýjustu rannsóknum
Fjallað er meðal annars um:
Hvað nikótín er
Áhrif þess á líkama og heila
Afleiðingar notkunar

Skoðum sjálfsmyndina í öllu fræðsluefni og leiðir til styrkingar